Sjetse van vreuger

oet en dörp in Zuid-Limburg

Sint Martes

 

Den twellefde November woor
Sint Martes sjoan vereèrd.
Dat haw ver van de awwers en de
veurawwers geleèrd.

 

Kênjer en auch groaten drogen
fakkels door de nach,
van wêsje struè mit iezerdraod ôm
stekken aangebrach.

 

En oetgehaolde kroat mit kêesleech
droog ver mit ôs mit.
Dao waor en naas in oetgesneeje,
augen en gebit.

 

'Sint Martes is in de pùt gevalle',
wat gezônge woor.
'Ze hùbben em al gedruègd', zoa ging dat
heèl den aovend door.

 

Dên optoch mit die fakkels leep nog
wal ens oet de hendj.
Dan stooke ze e sjuurke of en
kaoremiet in brendj.

 

En al die fakkels woore snachs op 't
hoaveldje verbord.
'ne Groaten houp van struè en hout
tot vuurwerk opgepord.

 

Door naar Seè, seè, rouke
Inhoudsopgave