Sjetse van vreuger

oet en dörp in Zuid-Limburg

Sinterklaos

 

'n Gerdien bedêkde Sinterklaos.
Vol root zaot Piet z'ne kop.
Ze gooie dich get neut daoneer,
gerumpsjeld'appel en drop.

 

'nen Heilige waor 't zeker neet;
't gerdien waor veùl te voel.
En waors te vrêch of stout gewêes,
dan krees te op den moel.

 

Weer waoren altied stief van angs
te wêeren opgepak.
Ze snapden soms de kênjer en die
duudje z'in de zak.

 

Et haw niks van e kênjerfeès.
Et waor en pesterie.
Es hê mit Piet de deur oet waor
dan waore kênjer blie.

 

'n Gruffeldoas, 'n spônsedoas,
'ne pêperkooke man
vônsj t'op den tèjer eeder jaor,
of soms 'nen ampleman.

 

Door naar Houtskook
Inhoudsopgave