Saoterdes

 

Op zaoterdig woor hoes en geudje
heèl good sjoan gevêeg.
Den dweil ging alle kamers door,
de bessem deeg de wêeg.

 

De taofel woor mit zeip en zèndj
gesjoerd 'nen heèlen toer.
Wit zèndj kaom op de roaj plevuuze
van de keukevloer.

 

En saoves nao de koep e frisj
gewèsjen hummen aan.
Dan koos mer weer mit volle mood
en wêek dertêengenaan.

 

Door naar Culinair
Inhoudsopgave

Sjetse van vreuger

oet en dörp in Zuid-Limburg