Sjetse van vreuger

oet en dörp in Zuid-Limburg

Nuujaor

 

Mit nuujaor waor et euveral
de roepoep was te zaos.
En lêeg bùs of 'ne pot en dreuver
hêr en verkesblaos.

 

E spierke struè door e gaetje hêr,
'ne naate vinger drôm,
dat goof e sjoan sônoor geluid,
wie van enen trômbôn.

 

Weer hawwen doe gein knakkerten.
Die waore veùl te duur.
'nen Enk'ling hauw en hônjspestaol
of bumkes kleurevuur.

 

En kerbiddoas woor de baojem
mit 'nen nagel doorgeklop.
Van bênne lagte ver kerbid. Dao
spiedje ver dan op.

 

Den dêksel drop en dan 'ne zwaegel
aan et gaat en ... paaf!!!
Dan sjoot mit ene flinke sjeùt,
den dêksel dervan aaf.

 

Mèr lagte z'in en mêllektuit
te veùl kerbid bieëin,
dan vloog mit denderende knal
de heèl tuit oeterein.

 

Weer winsjden Jan en alleman
mit nuujaorsdaag gelùk.
Al woor dat neet altied mit heèl
sjoan weurdjes oetgedrùk.

 

'Zalig nuujaor, de kop vol haor', en auch
'de kop vol neete'.
Wat dan kaom vraog dat aan aw luuj,
die kônne dat nog weete.

 

Door naar Sint Martes
Inhoudsopgave