Menjele

 

Es swêntjers 't werk op 't lendj en auch
't dêese woor gestaak,
dan wooren in veùl hoezer nog
de menjele gemaak.

 

Dan laoge boesje witsen ônger
klawwen in de bêek.
Die woore veur et vlùchte in
et sjuurke oetgelêek.

 

De menjelemaekers zaoten in de
keuken op de grôndj.
Al vlùchtend dreèdjen ze et plenkske
mit de baojem in et rôndj.

 

Die menjelen hôlpen doe nog luuj
den ergste wêntjer door
es bie brikke, boer of boevak
neet gewirrek woor.

 

't Doerde nog 'nen heèlen toer
veur zoan menj vêerdig waor.
En slech betaald. Noe gelj ver ze
van plestik kèntj en klaor.

 

Door naar Aw luuj
Inhoudsopgave