top of page

Sjetse van vreuger

oet en dörp in Zuid-Limburg

De kroetwesj

 

Gêel knuipkes plùkke, stinkerkes,
margriet en vossestaart,
eeder jaor es 't kroetwêsj waor,
Maria Hemelvaart.

 

Die bônj ver in e bösselke.
Dat heelj ver op de kop.
Pestoar dê sprôdsjde mit de kwas
wiewater baove drop.

 

Veur alle krêngdes waor et good.
Auch veur bedôrve voor.
Ze meinden 't heelj de hekse weg,
den duuvel en ze moor.

 

Es 't hômmeld' en bliksemd' op et Belsj,
de loch heèl duuster zaog,
dan woor de kroetwêsj aafgehaold,
dê op de zölder laog.

 

E stùkske gooie z'in et vuur.
Dat goof e bitje rouk.
E piezerig heèl dun ruikske mèr
veur 'n angstig zwarte wouk.

 

Gekneedj veur 't vuur woor dan gebêedj
dat 't wêer de Maas aaf boog.
Dat bliksem door de kroetwêsjrouk
mèr neet bie hun insloog.

 

* * * * *

De bliksem waor neet altied sjout
dat 't borde in de sjuur.
Soms zörgd'ès good verzekerd waor
e zwaegelke veur 't vuur.

 

 

 

 

 

 

 

 

 

 

 

 

 

 

 

 

Door naar Mertingke van de Ven
Inhoudsopgave

bottom of page