Sjetse van vreuger

oet en dörp in Zuid-Limburg

Gezelligheid

 

De bêtren hawwe kaolevuur
De ermen hout en kluut.
Ene bal van leim en kaolegruus
Get wat mer neet meè zuut.

 

Es swêntjers dan de stoof road stông
de vlam de trôm in sloog,
ès wêndjstuèt boezden in de sjouw,
en sneè langs 't vinster joog,

 

dan huukselden weer ôm et raemke.
Wat e werm genot!!
Es zacht de moar zông op de trôm
naeve de zoejelpot.

 

Mèr swêntjers..! 't Huuske achter 't hoes..!
'nen Òpe kawwe kas!
De bril waor sjus en plank van ies.
Doe vroors zoaget draan vas.

 

Door naar Aovend
Inhoudsopgave