Et eeste maedje

 

Et eèste maedje wo'ch mit ging
waor rossiger dan blôndj.
'Road haor, mne jông, en êlzenhout
greudj neet op gooie grôndj.'

 

Dat zag me mooder doe. Ich sloog
dê raod mèr in de wèndj.
Z'haw ôngeliek. Ich weit et noe.
Maj waor zoan aardig kèndj.

 

Ze haw zoa lekker bol gezich,
Ze waor altied zoa blie.
Et lêeve dreef ôs oeterein.
Et waor zoa gaw veurbie.

 

Ich zêgk uch later wie et ging.
Wê haw doe oats gedach,
dat toeval ôs nao zestig jaor
weer effe samebrach.

 

* * * * *

Mit henna, roaj en rosse verf
verkleure ze de kop.
Dat kump wil ich mèr zêgke auch
ômdat ze sjloes zeen drop.

 

Door naar Boter, botermelk en ongermelk
Inhoudsopgave