E weurdje nao

 

Wie ich begoos te sjrieve dach ich;
'Kiek oet was te zêes'.
Ich hùb noe 'n hônderd vèlkes vol,
dat is genôg gewêes.

 

En ès mesjien zich eemes tòch
gekrênk veult door dit werk,
dan vraog ich em vergiffenis veùr
't toegaon van mien zerk.

 

Al wat ich sjreef wurt neet door mich
mit hendj ômhoag gestaafd.
'ch Hùb hie en dao get biegedaon
en hie en dao gesjaafd.

 

Geer môt mich dat neet kaolek numme.
Ich bên al tachtig jaor.
En wat 'nen awwe minsj vertêlt
is neet heèl zuuver waor.

 

Bertje op de Kamp (J.H. Frenken)
April 1987

 

Naar Verduidelijkende woordenlijst
Inhoudsopgave